*****Though Form (အတွေးပုံရိပ်-သို့မဟုတ်--စိတ်ကူးဖြင့်ပုံဖော်ဖန်တီးယူခြင်း...)*****(၁+၂)

November 6, 2013 at 4:44pm

*****Though Form (အတွေးပုံရိပ်-သို့မဟုတ်--စိတ်ကူးဖြင့်ပုံဖော်ဖန်တီးယူခြင်း...)*****(၁)

ကျွန်တော်တို့ ကိုယ်တိုင်ဖန်တီးမိသော မကောင်းဆိုးဝါးများ....

ကျွန်တော်တို့ လူသားတွေမှာ ကျွန်တော်တို့ကိုယ်တိုင်ကမသိပဲနဲ့ ကိုယ့်ကံကြမ္မာကိုယ်ဖန်တီးသလို
လူသားတွေရဲ့စိတ်စွမ်းအားနဲ့ ဖန်တီးယူခဲ့မိတဲ့ မကောင်းဆိုးဝါးတွေ အကြောင်းကိုကျွန်တော်

ဥာဏ်မှီသလောက်လေးပြောပြချင်ပါတယ်..။ အမှားအယွင်းရှိခဲ့ရင်လည်း

ခွင့်လွှတ်ပေးဖို့ဦးစွာပထမတောင်းပန်ချင်ပါတယ် ခင်ဗျာ.....။

ကြက်ဥနဲ့ပေါက်ရင် ခုနှစ်ရက်အတွင်းသေတယ်....လို့ ကချင်တောင်တန်းဒေသက

ရွာလေးတစ်ရွာမှာ အယူရှိတယ်ဗျ..။ကြက်ဥနဲ့တမင်ရည်ရွယ်ပြီး ပေါက်တာကိုပြောတာနော်...။

ဘယ်နေရာကိုထိထိသေတယ်တဲ့ဗျ..။အဲ့ဒီဒေသကလူတွေဟာ

လူတစ်ယောက်ကိုကြက်ဥနဲ့ပေါက်တယ်ဆို ရင်အဲ့ဒီပေါက်တဲ့သူကို

လူသတ်မှု့နဲ့အပြစ်ပေးလေ့ရှိတယ်...။ တကယ်လည်းသေပါတယ်..။ မြေပြန့်ဒေသ

ကကျောင်းဆရာတစ်ယောက်ဟာ အဲ့ဒီရွာလေးမှာ စာသွားသင်ပေးရင်းနဲ့ ရွာသားတစ်ဦးနဲ့

စကားများရန်ဖြစ်ပြီး ကြက်ဥနဲ့အပေါက်ခံလိုက်ရတယ်ဗျ..။အဲ့ဒီကျောင်းဆရာဟာ

မြေပြန့်ဒေသကလူပီပီ အဲ့ဒီရွာဓလေ့ကြက်ဥနဲ့ပေါက်ရင် သေတယ်ဆိုတာမယုံကြည်သူပီပီ

အမှု့မထားဖူးပေါ့ဗျာ...။ တစ်ရက်လောက်လဲကြာရော

အဲ့ဒီကျောင်းဆရာလေးအပြင်းအထန်ဖျားပါတော့တယ်..။ ဘာဆေးသောက်သောက်မသက်သာဖူး..။

တစ်ကိုယ်လုံးပူခြစ်ပြီး ရေတောင်မသောက်နိုင်ပါဘူး ...။မျိုကိုမချနိုင်တော့တာ....။ အဲ့ဒီလိုနဲ့

နှစ်ရက်လောက်လဲ ကြာရော နားလည်တဲ့နတ်ဆရာကြီးတစ်ယောက်နဲ့တွေ့ပြီး နတ်ဆရာက

"မင်းရောဂါက ဒီဒေသရဲ့ နတ်ကျိန်စာမိနေပြီ...ဒီဒေသကနေလွှတ်အောင်ထွက်သွားမှ

မင်းရောဂါကောင်းမယ်လို့ ဆိုတယ်" ကျောင်းဆရာကမယုံကြည်ပေမယ့် သေမတတ်ခံစားနေရပြီမို့

ဟုတ်လို့ဟုတ်ငြား နေ့တွင်းချင်းပဲ ထမ်းစင်နဲ့ တောင်အောက်ကို ဆင်းရှာတယ်...။
တောင်အောက်လည်းရောက်ရောနည်းနည်းသက်သာတယ်တဲ့ဗျ...။

လမ်းတွေဘာတွေတောင်နည်းနည်းလျှောက်နိုင်လာတယ်....။ အဲ့ဒါနဲ့ အားတက်ပြီး...ချက်ချင်း

တောင်အောက်က ကားနဲ့အနီးဆုံးမြို့တစ်မြို့ကိုသွားလိုက်တာ...

ချက်ချင်းလူကောင်းပကတိပြန်ဖြစ်သွားပါတယ်...။

အဲ့ဒီအဖြစ်အပျက်မှာ နားလည်တဲ့သူကိုမေးကြည့်လိုက်တော့ အဲ့ဒီဒေသကလူတွေဟာ

ကြက်ဥနဲ့ပေါက်ရင်သေတယ်ဆိုတာကို ဘိုးစဉ်ဘောင်ဆက်နက်နက်ရှိုင်းရှိုင်းလက်ခံထားကြတဲ့ will

power တစ်ခုဖြစ်တည်ပြီး... ကြက်ဥနဲ့ပေါက်ခံရတယ်ဆိုတဲ့သူတိုင်းဟာ

ခုနှစ်ရက်အတွင်းသေတာပါတဲ့....။ အဲ့ဒါမျိုးကို အနောက်နိုင်ငံတွေမှာ Thought Forum

ခေါ်တယ်တဲ့..။
အဲ့ဒီဒေသကဖြစ်ရပ်ဟာ အစပိုင်းမှာတော့ ဥပဒါဏ်ကြောင့်ဥပါဒ်ရောက်တဲ့အဖြစ်ပါ...။နောက်တော့

လမိုင်းလို့ခေါ်တဲ့ မကောင်းဆိုးဝါး တွေကပါ အဲ့ဒီ စိတ်အပေါ်မှာ အခြေတည်ပြီး

ကြက်ဥနဲ့ပေါက်ခံရတဲ့သူတွေကိုဖမ်းစားခွင့်

ပါမစ်ရထားသလိုကောင်းကောင်းကြီးဖမ်းစားနိုင်သွားတဲ့အဖြစ်ပါ.....။

နောက်ထပ်လည်း Thought Form အကြောင်းတင်ဆက်ပါဦးမယ်...။
နားဦးမယ်ကွယ်.................
.။
Admin:မိုးတိမ် ပုံပြင်(ဖန်တီးတင်ဆက်မှု့


*****Though Form (အတွေးပုံရိပ်-သို့မဟုတ်--စိတ်ကူးဖြင့်ပုံဖော်ဖန်တီးယူခြင်း...)*****(၂)

ကျွန်တော်တို့ကိုယ်တိုင်ဖန်တီးမိသောမကောင်းဆိုးဝါးများ.....(2)

တောထဲမှာ စလောင်းနှစ်ချပ်တီးရင်ကျားကိုက်တယ်ဆိုတဲ့ ယုံတမ်းစကားလည်းရှိတယ်ဗျာ...။ ရခိုင်ရိုးမဘက်က အဲ့ဒီအယူစတယ်လို့သိရပါတယ်...။ကျွန်တော့် အဖေကအဲ့ဒီလို ယုံတမ်းစကားတွေကို လုံးဝအယုံအကြည်မရှိပါဘူး..။ အဖေပြောတဲ့စကားက ရယ်တော့ရယ်ရတယ်ဗျ..။ "ကျားတစ်ကောင်လုံးမှာပစ်စရာမရှိဘူး သိန်းချီတန်နေတာကို..စလောင်းနှစ်ချပ်တီးတိုင်းသာ ကျားလာကိုက်တယ်ဆိုရင် တောထဲမှာလင့်လေးထိုးပြီး စလောင်းနှစ်ချပ်တီး.....ကျားလာရင် ပစ် ....အဲ့ဒီအလုပ်ဆိုတော်တော်ပိုက်ဆံရမှာပဲနော်...တဲ့" ဟုတ်ပါတယ်.. အဲ့ဒီအယူကအခုခေတ်မှာတော့ အယုံအကြည်နည်း ကြတဲ့သူတွေများလာတဲ့ အတွက် အဲ့ဒီ Thought Form ဟာလည်းပျက်ပြယ်စပြုလာပါပြီ....။
 ကျွန်တော်တို့ အတိတ်နမိတ်...တဘောင် အစရှိတဲ့ အယူတော်မင်္ဂလာပညာ ဟာလည်း Thought Form အပေါ်မှာမူတည်နေပါတယ်...။
ဥပမာ...ပြည်ကြီးပျက်တော့မည် လို့တဘောင်ပေါ်လာပြီဆိုရင် လူတွေရဲ့စိတ်ထဲမှာ တကယ်လို့လက်ခံမိလိုက်ကြတာနဲ့ အဲ့ဒီ Thouth Form ဟာ ဖြစ်တည်မှု့ခိုင်မာလာပြီးတကယ်ပျက
်ရတာမျိုးပါ.....။
နတ်ဆိုးတစ်ယောက်အကြောင်းပြောပြမယ်.....။ ရွာလူမိုက်တစ်ယောက်ဟာ သူများဓားထိုးခံရပြီးသေသွားပါတယ်....။ သူဟာ အသက်ရှင်စဉ်ကာလ ကဘာကုသိုလ်ကောင်းမှု့မှမလုပ်ပေမယ့် ရပ်ရွာကိုသူခိုးဓားမြတို့လာရင်ရှေ့ကနေဦးဆောင်ပြီး တိုက်ထုတ်လေ့ရှိတယ်...။ သူသေသွားတဲ့အခါ မှာရွာထိပ်က ညောင်ပင်ကြီးမှာသူ့ကိုတွေ့တယ်..တွေ့တယ် နဲ့သတင်းထွက်လာတယ်...။လူတွေကအဲ့ဒီ့လူမိုက်ကို မသေခင်ကထဲကကြောက်ရတယ်ဆိုတော့ သေပြီးသရဲဖြစ်သွားတဲ့အခါမှာဆိုပိုဆိုးပေါ့...။ ရွာကလူတွေကလည်း ကြောက်လည်းကြောက်တယ် ပြီးတော့သူအသက်ရှင်စဉ်ကလိုရွာကိုပါကာကွယ်ပေးစေချင်ကြတယ်..။ ဒါနဲ့ ပဲ သိပ်မကြာဘူး အဲ့ဒီရွာလူမိုက်ဟာ ရွာထိပ်ညောင်ပင်မှာ နတ်ဖြစ်နေပြီးရွာကိုစောင့်ရှောက်နေတယ်လို့ အိပ်မက်လာပေးတယ်ဆိုပြီး ရွာထဲမှာသတင်းကြီးလာပါတယ်..။ရွာထိပ်ကညောင်ပင်မှာ နတ်ကွန်းရှိတာကိုး။ နဂိုရ်ရှိပြီးသား နတ်ကိုတောင်မပသကြတော့ဘူး အဲ့ဒီရွာလူမိုက်အမည်ကိုပဲတတ ပြီးစားဖွယ်တွေ ဆီမီးတွေနဲ့ပူဇော်ကြတယ်...။ ရွာလူမိုက်သရဲ ကအဲ့ဒီရွာမှာတော့ နေ့ချင်းညချင်းကိုရွာစောင့်နတ်ြ
ကီးကိုဖြစ်သွားပါလေရောလား.....။
အဲ့ဒီလိုနဲ့ ကာလတွေကြာလာတော့ အဲ့ဒီရွာကိုကလေးတစ်ယောက်ရောက်လာတယ် အသက်ခုနှစ်နှစ်လောက်ပဲရှိဦးမယ် ကလေးက...။ ရွာလူမိုက်သေလို့ဝင်စားတာပါတဲ့....။ အဲ့ဒီမှာ တစ်ရွာလုံးကလူတွေ အုတ်အော်သောင်းနင်းဖြစ်ကုန်ကြတယ် သူတို့ကိုးကွယ်ထားတဲ့ ရွာလူမိုက် နတ်က မနေ့ကပဲ ရွာထဲကလူတစ်ယောက်ကိုဖမ်းစားထားလို့ သူတို့ ကန်တော့ပွဲနဲ့တောင်းပန်ထားရသေးတယ် ..။အခုဒီကလေး ကရွာလူမိုက်သေလို့ဝင်စားတာတဲ့...။ ဒါပေမယ့်မယုံလို့ လဲမရဘူး ကလေးကသူလူ့ဘ၀က ဆိုးခဲ့မိုက်ခဲ့တာတွေ သူ့အိမ်တွေ သူရစရာရှိတဲ့ အကြွေးတွေကအစအကုန်မှတ်မိနေတာကို
း....။
ကလေးပြောပြတာကဒီလို.......သူ သေပြီးတော့ ရွာထိပ်ကညောင်ပင်မှာ သရဲဖြစ်နေတယ်ဆိုတာဟုတ်ပါတယ်....ဒါပေမယ့် တစ်လလောက်ပဲကြာတယ်..သူဝင်စားရမယ့်သူ့အမေကိုတွေ့လိုဝင်စားပြီးလူပြန်ဖြစ်လာပါတယ်တဲ့..။ ဒါပေမယ့် အဲ့ဒီညောင်ပင်မှာ သဘက်အကြီးစားကြီးတစ်ကောင်လည်းရှိတယ် သူတို့လို သာမန်သရဲတစ္ဆေတွေကိုအုပ်ချုပ်နေတာပါ..။ အဲ့ဒီအကောင်ကြီးက အဲ့ဒီအပင်မှာလာနေသမျှသရဲတွေ အားလုံးရဲ့နာမည်ကိုယူထားတယ်တဲ့..။ ကျွတ်သွားတဲ့ကောင်တွေ ဘ၀ကူးသွားတဲ့ကောင်တွေရဲ့နာမည်တွေကိုယူထားတာပါ...။ ဥပမာ..မိုက်ခဲ လို့ခေါ်ရင်လည်းသူပဲသွားတယ်.. မင်းမင်း လို့ခေါ်ရင်လည်းသူပဲသွားတယ်.. အဲ့ဒါမျိုးကိုပြောတာ..။ ရွာကလူတွေက သူ့နာမည်နဲ့နတ်စင်ဆောက်ပြီး သူ့ကိုပဲပသကြတော့ နဂိုရ်ရှိပြီးသားနတ်တောင် စင်ပေါ်ကစင်းပေးရတယ်..။ ပြီးတော့လူတွေသူ့ကိုပိုပြီးယုံကြည်လာလေလေ သူ့တန်ခိုးကထက်လေပဲတဲ့......။ လူတွေရဲ့ Thought Form (ကြောက်စိတ်) ကသရဲကို ပိုပြီးအစွမ်းထက်လာစေတာပေါ့..။ အဲ့ဒီလိုရှင်းပြလိုက်တော့ လူတွေရဲ့စိတ်ဟာလည်းရှင်းသွားကြတယ်.. သူတို့ကြောက်နေတဲ့ ရွာလူမိုက်နတ်မဟုတ်ပဲ သာမန်သဘက်အကြီးစားကြီးဆိုတာလည်း
သိသွားကြတယ်...။
ဖြစ်ချင်တော့အဲ့ဒီအချိန်မှာပဲ ရွာသူတစ်ယောက်ကို အဲ့ဒီအကောင်ကြီးဝင်ပူးပြီး အစာတောင်းနေတာနဲ့သွားကြုံတယ်....။ ဒါနဲ့ အဲ့ဒီကလေးကိုပါခေါ်ပြီး အကောင်ကြီးဝင်ပူးနေတဲ့နေရာကိုလည်း ရောက်သွားကြတယ်လေ..။ အဲ့ဒီကလေးက တစ်ခွန်းပဲပြောလိုက်ပါတယ်... "တာတေကြီး ကျွန်တော်လူပြန်ဖြစ်နေတာဒီရွာကလူတွေသိသွားကြပြီ" အဲ့ဒီစကားလည်း ကြားရောခုနင်က ၀ုန်းဒိုင်းထပြီးသောင်းကျန်းနေတဲ့ သရဲဝင်ပူးနေတဲ့ရွာသူဟာ ဘောလုံးကိုလေလျှော့လိုက်သလိုပဲ ရှုးဆိုပြီး... အသံကြီးတစ်ချက်မည်ပြီး ပူးနေတဲ့သရဲထွက်သွားတယ်....။ အဲ့ဒီနောက်မှာ ကတော့ အဲ့ဒီရွာလေးမှာ ညောင်ပင်ကသရဲကြီးဖမ်းစားတယ်ဆိုတဲ့အသံကိုမကြားရတော့ဘူး....။ ဘာလို့လဲဆိုတော့ ရွာကလူတွေက ဒီအကောင်ကြီးကိုမပသကြတော့ဘူးလေ..ပြီးတော့ အရင်ကလိုနတ်မဟုတ်ဘူးဆိုတာလဲသိကြလို့ မကြောက်ရွံကြတော့ဘူး ....လူတွေရဲ့ thought form မရှိတော့တဲ့ အတွက်သရဲ ဟာလည်းလူတွေကို အလွယ်တကူမဖမ်းစားနိုင်တော့ပါဘူး....အင်မတန့်အင်မတန် ကံနိမ့်လွန်းနေတဲ့သူတွေမှသာဖမ်းစားနိုင်တော့မှာပါ...။

Thought Form အကြောင်းတွေလာပါဦးမယ်...။
ပရိတ်သတ်ရင်ထဲ အလင်းဝင်ပြီး အမှန်တရားကိုအထင်း မြင်စေဖို့ အတင်းကို Thought Form အကြောင်းပြောပြဦးမယ်နော်....။

Admin:မိုးတိမ်ပုံပြင်(ကိုယ်တိုင်ဖန်တီးတင်ဆက်မှု့)